O Ribeiro · Viño
Feira do Viño do Ribeiro
Primeiros días de maio (ponte do 1) · Ribadavia
A feira do viño máis antiga de Galicia: celébrase en Ribadavia desde 1963 e está declarada Festa de Interese Turístico de Galicia. Reúne preto dunha trintena de adegas da D.O. Ribeiro.
Durante tres días, o casco histórico e o barrio xudeu de Ribadavia énchense de postos de adegas onde catar os mellores brancos e tintos da denominación, con showcooking, ruta de tapas, catas comentadas e música en directo. A mellor ocasión do ano para probar dunha soa vez o abano de viños da comarca, a só uns minutos de Bicotorto.