Aloxamento · As tres casas · 13 prazas
As tres casas
O establecemento enteiro en exclusiva: tres casas, 13 prazas e un xardín con piscina para un só grupo
As tres casas é Bicotorto Pensión Boutique ao completo: A de Generosa, O Refuxio e A Peneda, as tres á vez e para un só grupo. Trece prazas, seis cuartos e catro baños, máis unha cama supletoria. Ninguén máis no recinto.
Está pensado para reunións familiares, celebracións tranquilas ou encontros de amigos que precisan casa enteira e non cuartos soltos. O xardín que une as dúas edificacións tradicionais rehabilitadas, a piscina e a barbacoa quedan de uso exclusivo do grupo durante toda a estadía. O establecemento está no núcleo da Laixa, na comarca do Ribeiro. Arredor, os viñedos e as adegas do Ribeiro, o río Arnoia, Ribadavia co seu barrio xudeu, o Camiño de Santiago e as augas termais de Ourense.
A reserva conxunta pide un mínimo de sete hóspedes e dúas noites. Por debaixo de sete persoas, cada casa resérvase por separado.
Seis prazas nunha casa de dúas plantas. Dous cuartos dobres e dúas prazas máis no sofá cama do salón. Salón-comedor-cociña e un gran espazo exterior; dous cuartos e un baño.
Dúas prazas. Un estudio de 34,38 m² no que salón, comedor, cociña e dormitorio comparten un mesmo espazo, aberto e luminoso, cunha cama de matrimonio. Un dormitorio e un baño.
Cinco prazas, máis unha cama supletoria. Tres cuartos —dous dobres e un individual— e un gran salón comedor. Dous baños.
Berce de viaxe gratuíto (1 por casa, non ocupa praza). Saída tardía dispoñible como extra (40 €).